Ijtimoiy fanlar va Jurnalistika kafedrasi

Qodirov Najmiddin Ne'matovich Toshkent davlat iqtisodiyot universitetida kafedra mudiri, prorektor lavozimlarida ishlagan. 50 dan ortiq ilmiy maqola va ilmiy-uslubiy ishlar, jumladan 1 ta darslik, 5 ta oʻquv qoʻllanma, 2 ta oʻquv-uslubiy qoʻllanma, 3 ta monografiya muallifi. “Oʻzbekiston tarixi”, “Falsafa”, “Oʻzbekistonning korrupsiyaga qarshi kurash strategiyasi”, “Biznes huquqi”, “Global siyosat, migratsiya va notekis rivojlanish”, “Xalqaro siyosat va global xavfsizlik” kabi darslik va oʻquv qoʻllanmalaridan talabalar keng foydalanmoqda.Tadqiqot sohalari: XIX asrda Turkistonda taʼlim tizimi, Mustaqillik davrida yoshlar ijtimoiy faolligini oshirish va fuqarolik jamiyati institutlari faoliyati.

Artikova Yulduz Akmalovna — Filologiya fanlari doktori (DSc) professor. Yigirma yil davomida O‘zbekiston Milliy Teleradiokompaniyasi telekanallarida katta muharrir sifatida faoliyat yuritgan. Tayyorlagan mualliflik ko‘rsatuvlari "MTRK sovrini", "Yilning faol jurnalisti" tanlovlarida sovrindor bo‘lgan. Yuzdan oshiq ilmiy va publisistik maqolalari nufuzli nashrlarda chop etilgan. Ikkita monografiya, bitta darslik va to‘rtta o‘quv qo‘llanmalarining muallifi. "Milliy identivlik va OAV" "Interaktiv jurnalistika", "Sport jurnalistikasi", "Jurnalistikada kreativ fikrlash", "Rejissura, tasvirga olish va montaj amaliyoti" darslik va qo‘llanmalari sohadagi zamonaviy mavzularning tahlili bilan mutaxassislar e'tirofiga sazovor bo‘lgan.

Asqarova Jamila Baxodirovna Filologiya fanlari doktori (DSc). "Respublika yosh olimlarining innovatsion loyihalari" grant tanlovi g‘olibi. 2 ta monografiya, 1 ta risola muallifi. Respublika va xorij ilmiy jurnallarida 50 dan ortiq maqolasi nashr qilingan. “O‘zbek xalq ijodi yodgorliklari” 100 jildligini nashrga tayyorlash va uni tekstologik o‘rganish masalalari” nomli fundamental loyiha ishtirokchisi.

Pardayev Muxriddin Xusniddinovich - tarix fanlari bo'yicha falsafa doktori (PhD) dotsent v.b, O'zbekiston Respublikasi Fanlar akademiyasi Antropologiya institutida turli lavozimlarda ishlagan. 20 dan ortiq ilmiy ishlar muallifi. Tarix, arxeologiya va madaniy meros sohalarida tadqiqotlar olib boradi.

O‘zbekiston davlat jahon tillari universitetining xalqaro jurnalistika fakultetida, O’zbekiston Jurnalistika va ommaviy kommunikatsiyalar universitetining “Media nazariyasi va amaliyoti” kafedrasida hamda Nordik xalqaro universiteti “Ijtimoiy fanlar va jurnalistika” kafedrasida jurnalistika fanlaridan dars berib, jurnalistlarni zamonaviy media, raqamli jurnalistika va media texnologiyalari bo‘yicha tayyorlashda faol ishtirok etib kelayotgan pedagog, tadqiqotchi va jurnalist. Uning hammualliflikda yaratilgan “Jahon jurnalistikasi tarixi” darsligi, “Jurnalistikada AKT” o’quv qo‘llanmasi, “Onlayn jurnalistikada yangi trendlar” (10 jildlik “Jurnalistika” kitoblari, VII jild) kitoblari bugungi kunda ham o’z ilmiy ahamiyatini yo’qotmagan. Shu davrga qadar 30dan ortiq ilmiy maqola va tezislar e’lon qilgan. Germaniyaning Mayns universitetida doktorlik (PhD) ishini himoya qilgan. Tadqiqot sohalari: jurnalistika ta’limi, media konvergensiyasi, raqamli va avtomatlashtirilgan jurnalistika hamda media va axborot savodxonligi.

Yuldashev Begzodjon Baxtiyorjon o'g'li 2023-yilda Qo'qon davlat pedagogika institutini bakalavr darajasi bilan tamomlagan. 2025-yilda Xalqaro Nordik universitetining Ta'lim Muassasalari Boshqaruvi yo'nalishi bo'yicha magistraturasini muvaffaqiyatli yakunlagan. Xalqaro Nordik universitetning 13.00.02 — Ta'lim-tarbiya nazariyasi va metodikasi ixtisosligi bo'yicha tayanch doktoranturasida o'qimoqda. Ilmiy qiziqishlari ta'lim muassasalarini boshqarish, milliy g'oya va ma'naviyat asoslari ta'limiga qaratilgan. Rus va ingliz tillarini biladi. Kompyuter savodxonligi bo'yicha keng qamrovli bilimlarga ega. Shu bilan birga, 10 ga ilmiy maqola va tezislarni chop ettirgan. Maqsadi – ta'lim tizimining samaradorligini oshirish va zamonaviy boshqaruv usullarini tadbiq etish.